Պարանոցի սապատ

Սապատը ճարպային բջիջների կույտ է, որը կարծրացնում է շարակցական հյուսվածքը` ձևավորելով տեսանելի թմբիկ: Դա հատկապես նկատելի է ավելորդ քաշ ունեցողների մոտ: Այն առաջանում է սխալ կեցվածքի, մեջքի մկանների գերլարման, տևական ժամանակ անհարմար դիրքում գտնվելու (այդ թվում՝ համակարգչի առջև նստելու) հետևանքով: Եվ, ընդհանրապես, նստած կենսակերպը լավ ազդեցություն չի ունենում պարանոցային գոտու ու ամբողջ օրգանիզմի վրա:

Եթե պատահաբար հայելու մեջ նայելիս նման կուզ հայտնաբերեք, պետք է խուճապի չմատնվել: Այն վտանգավոր է, եթե խնդիրներ են առաջացնում: Եթե  վիճակը խորացել է, կանհանգստացնեն գլխապտույտները, պարանոցի ու ծոծրակի ցավը, գլխի շարժումից` տհաճ խշրտոցը, թմրությունը, ծակծկոցը, այրոցքը, կուզի հատվածում թևերի ծակծկոցը:

Նախ, պետք է համոզվել, որ այդ գոյացությունը ճարպային սապատ է, ոչ թե մեկ այլ բան: Իսկ տարբերելու համար պետք է իմանաք, որը այն խշրտում է գլխի շրջադարձերի ժամանակ, ցավ է առաջանում ծոծրակի ու պարանոցի շրջանում, ծակծկոց, այրոցքի ու թմրության զգացում, ինչպես նաև` գլխապտույտ: Ոմանք թերագնահատում են այդ խնդիրն ու անուշադրության մատնում` մտածելով, որ այն առանձնակի անհարմարություն չի պատճառում ու այնքան լուրջ խնդիր չէ: Մինչդեռ չի կարելի տվյալ տհաճությանը մատների արանքով նայել: Ինչու՞

Այդ կուզը կարող է ճզմել զարկերակներն ու հանգեցնել գլխուղեղի ու օձիքային հատվածի հիպօքսիայի (արյան շրջանառության խանգարման, թթվածնային քաղցի):

Կուզի դեմ պայքարել ո՛չ միայն կարելի է, այլև անհրաժեշտ է: Այդ միջոցները մի քանիսն են:

Նախ՝ փորձեք վերանայել կենսաձևը, և խուսափեք խնդիրը հարուցող պատճառներից:

Երկրորդ` մերսումների համար դիմեք մասնագետի կամ տան անդամներից մեկին խնդրեք: Կարելի է բավարարվել պարանոցը մերսող հատուկ սարքերով: Բայց հիշեք, որ դա պետք է կանոնավոր կերպով իրականացվի, մեկ սեանսը պետք է տևի առնվազն 25 րոպե, քանի որ միայն այդ դեպքում ցանկալի արդյունքի կարելի է հասնել:

Երրորդ` կոնտրաստային ցնցուղ ընդունեք` հատկապես խնդրահարույց հատվածը: Երկար պոչով կոշտ խոզանակ գնեք ու ջանադրաբար տրորեք բաշը 10-15 րոպե: Լավ արդյունք են տալիս նաև խոնավ սրբիչով շփումները: Ցնցուղից հետո մանկական քսուկ քսեք կամ այլ փափկացնող միջոց ու կրկին տրորեք այդ գոյացությունը, սակայն այս անգամ` առանց ուժ գործադրելու:

Չորրորդ միջոցը քնելու ճիշտ ձևն է: Մոռացեք փափուկ բարձերի մասին: Գտեք կոշտ, պինդ բարձ կամ էլ հատուկ գլանակ: Ի դեպ, այս միջոցը նույնիսկ դեմքի կնճիռներն է նվազեցնում: Սկզբում, բնականաբար, այնքան էլ հաճելի չի լինի, սակայն ինքներդ ձեզ փարատեք, քանի որ, իսկապես, օգնում է պարանոցի առողջացմանը:

Հինգերորդ միջոցը վարժություններն են: Եթե ցանկանում եք ազատվել այդ կուզից, ուրեմն հաղթահարեք ծուլությունը: Սակայն մինչև այդ խորհրդակցեք բժշկի հետ ու համոզվեք, որ ողնաշարի տեղաշարժ չէ, կամ` միջողնային ճողվածք, ուռուցք չէ: Բանն այն է, որ բազում հիվանդություններ կան, որոնց դեպքում վարժությունները հակացուցված են: Եթե բժիշկը հիվանդության առկայությունը բացառի, ապա սկսեք վարժությունները ստորև շարադրվածի համապատասխան:

1.«Այո, այո, այո». գլխով հավանության նշանների նմանվող վարժություն: ՝

2.«Ոչ, ոչ, ոչ»-ի նման գլխով բացասական տարուբերումը նույնպես բուժիչ ազդեցություն կունենա:

3.«Վայ, վայ, վայ». ասես թե ինչ-որ բանից դժգոհ ենք, ու գլխի պտույտը «ոչ»-ից ավելի մեծ աստիճանի տակ է կատարվում, դրական է ազդում բաշի վերացման նպատակով կատարվող աշխատանքի դեպքում:

Այս վարժությունները պետք է սկսել շատ փոքր անկյան տակ: Չի կարելի կտրուկ ու կոպիտ շարժումներ կատարել: Աստիճանաբար շարժումների ամպլիտուդը պետք է մեծացնել: Պետք է վարժությունները կատարել ամեն օր, յուրաքանչյուրը՝ 30-ական րոպե:

Լողը նույնպես դրական արդյունք է տալիս: Կուզից ազատվելու ընթացքը տևական է, զինվեք համբերությամբ ու կանոնավոր կատարեք մարզանքը: Ու մի մոռացեք հայելուն նայել:

Կուզից ազատվելու ժողովրդական միջոցներ

Կավից 15 սմ երկարությամբ շերտ պատրաստեք ու 2 տակ թանզիֆով փաթաթած դրեք կուզի վրա: Յուրաքանչյուր կավաշերտը պետք է 1 ժամ մնա այդ հատվածում:

Հոտավետ կալիզիայի (Զոլոտոյ ուս) հյութը ներմերսել կուզի հատվածում:

Եթե կանոնավոր կերպով նշված վարժությունները, մերսումն ու քսուկները կիրառվեն, ապա արդյունքն կգոհացնի:

Հարցեր, պատասխաններ, մեկնաբանություններ